മലയാളം ഫൌണ്ടേഷന്‍ നാണപ്പന്‍ മഞ്ഞപ്രയുടെ സപ്തതി ആഘോഷിക്കുന്നു

മുംബൈ: കഴിഞ്ഞ നാലു പതിറ്റാണ്ടിലേറെക്കാലം കവി, ഗാനരചയിതാവ്, നടന്‍, നാടകപ്രവര്‍ത്തകന്‍, പത്രപ്രവര്‍ത്തകന്‍, സംഘാടകന്‍, സഹൃദയന്‍ എന്നീ നിലകളില്‍ മുംബൈയുടെ കലാസാംസ്കാരികരംഗത്തു നിറസാന്നിദ്ധ്യമായ നാണപ്പന്‍ മഞ്ഞപ്രക്ക് 2012-ലെ തിരുവോണത്തലേന്നു എഴുപതുവയസ്സ് പൂര്‍ത്തിയാകുന്നു.

മലയാളം ഫൌണ്ടേഷന്‍ നാണപ്പന്‍ മഞ്ഞപ്രയുടെ സപ്തതി മുംബൈയിലെ കലാസാഹിത്യനാടക സംഘടനകളുടെയും മലയാള മാധ്യമങ്ങളുടെയും സംയുക്താഭിമുഖ്യത്തില്‍ ഓഗസ്റ്റ്‌മാസത്തില്‍ സാംസ്‌കാരികസമ്മേളനം, സാഹിത്യസമ്മേളനം, പുസ്തകപ്രസാധനം തുടങ്ങിയ വിവിധ പരിപാടികളോടെ ആഘോഷിക്കുന്നു. കലാസാംസ്കാരികരംഗത്ത് നിസ്വാര്‍ത്ഥസേവനം നിര്‍വഹിക്കുന്ന നാണപ്പന്‍ മഞ്ഞപ്രക്ക് മുംബൈ മലയാളി കൂട്ടായ്മയുടെ നിറഞ്ഞ സ്നേഹവും ആദരവും നല്‍കുന്നതായിരിക്കും സപ്തതി ആഘോഷങ്ങള്‍.

ആഘോഷപരിപാടികളുടെ രൂപരേഖ ഉണ്ടാക്കുന്നതിനും പരിപാടികള്‍ മുംബൈയിലെ കലാസാഹിത്യനാടക സംഘടനകളുടെയും മലയാള മാധ്യമങ്ങളുടെയും സംയുക്താഭിമുഖ്യത്തില്‍ നടത്തുന്നതിനെപ്പറ്റി ചര്‍ച്ചചെയ്യാനും ജൂണ്‍ രണ്ടാം വാരത്തില്‍ ഡോംബിവലിയിലോ മുംബൈയിലോ വെച്ച് യോഗം ചേരുന്നതിരിക്കും. നാണപ്പന്‍ മഞ്ഞപ്രയുടെ അഭ്യുദയകാംക്ഷികളും സുഹൃത്തുക്കളും ഇതേക്കുറിച്ച് അഭിപ്രായങ്ങളും നിര്‍ദേശങ്ങളും അറിയിക്കുന്നതിനു 9757281837 എന്ന നമ്പറിലോ malayalamfoundation@gmail.com എന്ന ഇമെയിലിലോ ബന്ധപ്പെടുവാന്‍ താല്പര്യപ്പെടുന്നു.