ജനനീ നവരത്നമഞ്ജരി മഞ്ജരി(1)
---------------ഗുരുദേവന് ----------------
----------------------------------------------------
ഒന്നായമാമതിയില് നിന്നായിരം ത്രിപുടി ;
വന്നാശു തന്മതി മറ-
ന്നന്നാദിയില് പ്രിയമുയര്ന്നാടലാം കടലി-
ലൊന്നായി വീണു വലയും
എന്നാശയം ഗതിപെറും നാദഭൂമിയില-
മര്ന്നാവിരാഭ പടരും
ചിന്നാഭിയില് ത്രിപുടിയെന്നാണനറുംപടി
കലര്ന്നാറിടുന്നു ജനനീ.
---------------------------------------------------------------------
സാരം
======
ഒന്ന് മാത്രമായ ആദിയറിവില് നിന്ന് അസംഖ്യം ത്രിപുടികള്
ഉയരുന്നു .അതിന്റെ ഫലമായി പെട്ടെന്നുതന്നെ ബോധംകെട്ടുപോകുന്നു .
അപ്പോള് ആഹാരവിഹാരനിദ്രാമൈഥുനാദികളില് പ്രിയം വര്ധിക്കുന്നു .
ഫലമോ ,ഞാന് ആടലാകുന്ന കടലില് ആകെ വീണു ആണ്ടുപോകുന്നു .
ഇങ്ങനെ വലയുന്ന എന്റെ ആശയം ഗതിയുളവാക്കുന്ന നാദഭൂമിയില്
അമര്ന്നു പൊന്തിപ്പരക്കുന്ന ശോഭയോടുകൂടിയ ചിന്നാഭിയില് ത്രിപുടി
യറ്റുപോകും വണ്ണം അമ്മേ ,എന്നാണു കലര്ന്നു ആറുവാന് ഇടവരുന്നതു .
(ആശ്ശാന് പറഞ്ഞത് മധുരവും ശാന്തഗംഭീരം എന്നാണു )മനസിരുത്തി
പഠിക്കാന് ശ്രമിക്കണം എന്നാണു എനിക്ക് പറയാനുള്ളത്
You need to be a member of Whiteline World to add comments!
Join Whiteline World